Pale Blue Dot – මිනිසෙකු විෂය කරුණුවලින් පමණක් නොව, මිනිසෙකු වශයෙන් ද පිරී සිටිය යුත්තේ ඇයි?

කාල් එඩ්වඩ් සේගන් (Carl Edward Sagan) කියන්නේ ඇමරිකානු තාරකා විද්‍යාඥයෙක්. තාරකා විද්‍යාව කියන දේ කොච්චර පරාසයක විහිදෙනවද කියල දළ අදහසක් ගන්න සේගන් ගේ ‘තාරකා විද්‍යාඥ’ තනතුර විස්තාරණය කරලා බලන්න පුළුවන්. ග්‍රහලෝක විද්‍යාඥයෙක්, විශ්ව විද්‍යාඥයෙක්, තාරකා භෞතික විද්‍යාඥයෙක්, තාරකා ජීව විද්‍යාඥයෙක් කියන උප උදෘත සියල්ල ම කාල් සේගන් ගේ ‘තාරකා විද්‍යාඥ’ තනතුර ඇතුළේ තියෙනවා.

පෘථිවියෙන් සුබ පැතුම්!

වොයේජර් මිෂන් එක කියන්නේ වොයේජර් I සහ වොයේජර් II ලෙස නම් කෙරුණු, අන්තර් තාරකා ගවේෂණ රොබෝ යානා දෙකක් භාවිතා කරන, ඇමරිකානු විද්‍යාත්මක වැඩසටහනක්. එකිනෙකාට අසල්වාසී ග්‍රහලෝක දෙකක් වූ බ්‍රහස්පති සහ සෙනසුරු, ඔවුන්ගේ ආසන්න පිහිටීම්වල වාසිය ලබාගනිමින් ගවේෂණය කිරීම මේ වැඩසටහනේ අරමුණ වී තිබුණා.